بسم الله الرحمن الرحيم
سأحاول على قدر الامكان قبل ان انام ان الخص ما حدث اليوم فى الاسكندرية
و ايضا سأحاول ان اكون حياديا على قدر الامكان
رحت الساعة 8 الصبح القائد شفت اهالى الشهداء لسه معتصمين وقليلين نسبيا
رجعت تانى على 12 كدة الحمد لله الحوار زاد شوية كنا حوالى 60 ألف كدة
خلصت الصلاة والحمد للة الشيخ المحلاوى متكلمش عن المدنية
واحد كان بيوزع ورق الدستور اولا اتضرب
كنا كتييييير جدا بس حصلت حاجة مش لتشيفة
أول يافطة حزب _ انا شفتها _ اترفعت من حزب النور
لقيت السلفيين و الاخوان من ناحية و باقى القوى من ناحية
فى الصورة
اللون الابيض : الاخوان و السلفييين و سمعت طراطيش كلام عن المصريين الاحرار
و اللون الاحمر : بقية القوى مثل العدل والكرامة و الحركات الشبابية و الاشتراكية المختلفة
على فكرة الاحمر ده ممتد لسعد زغلول بس الصورة مش جايبة
شايفين بقى الحتة اللى فى النص
ده كنا احنا
فى ناس كتيير انضمت لللابيض علشان ده كان المسار الطبيعى للمظاهرات عادة
وطبعا معدات الاخوان
انا رحت مع الأحمر مشيا لحد قسم العطارين و لفينا و رجعنا تانى
طبعا التنظيم مكانش كويس بس عجبتنى الجرأه اللى كانت عندهم
اشهر الهتافات :
الشعب يريد اسقاط المشير
لا مشير ولا عنان ... الثورة لسة فى الميدان
عرفت ان الجرأة دى مكانتش عند الجانب الاخر
كان اخرهم التنديد ب الداخلية
بس فى حاجة ظريفة حصلت
كانت هتافاتنا ضد الداخلية مولعة اول ما جينا عند القسم
كله جاب ورا
يا احلى اسم فى الوجوووووود
ههههههههه
بعد كدة
سخنت الناس على حبة هتافات حلوة
لتطهير الداخلية و حقوق الشهداء و مش ناسيين 25
فيما يلى توضيح من احد الزوار :
المهم الموضوع عدى
لتطهير الداخلية و حقوق الشهداء و مش ناسيين 25
فيما يلى توضيح من احد الزوار :
احنا لما وصلنا عند القسم ... الناس كانوا ابطال و الضباط هما اللي كانوا واقفين مرعوبين و الناس اتوحد الهتاف و الناس كلها قعدت تهتف"الداخلية البلطجية" و "العيسوي زي حبيب و بيتكيف من التعذيب" و من كتر ما الناس كانت منفعلة خوفنا حد يتهور و يكسر القسم فقررنا ان تستمر المسيرة بس قبل ما نمشي هتفنا"راجعين..راجعين... مش ناسيين 25...راجعين راجعين .. مش ناسيين 25 " و من قوة الهتاف دخل الضباط الي داخل القسم و استمرت المسيرة ... الشعب المصري دة بطل ... مش احنا اللي نجيب ورا قدام شوية جبناء بلطجية و سفاحين يستتروا وراء المسجلين خطر
المهم الموضوع عدى
رجعنا تانى صلينا العصر و المظاهرات اتجمعت عند البحر وكانت حاشدة
وطالبنا بكل المطالب اللى عليها وفاق
-----------------------------------------
الوضع الان :
الجزء الأحمر : اهالى الشهداء معتصمين و مغلقين المنطقة المظللة
ملحوظة لو قدروا يواجهوا راكبى المركبات و يقفلو الطريق لحد بكرة الضهر كدة يبقى الموضوع حيستمر
الجزء الابيض : ميدان سعد زغلول : اعتصام كل القوى السياسية و بعض من اهالى الشهداء
معلومات مؤكدة من الناشط التويترجى شهاب الدين مصطفى
المعتصم هناك ونشطاء اخرين
الاعداد كبيرة ... مبشرة بنجاح الاعتصام
اهالى الشهداء كانوا يغلقون الطريق
افتتحت شاشة فى ميدان سعد زغلول
كانت مشغلة افلام وبعدين جابت قناة التحرير
كانت مشغلة افلام وبعدين جابت قناة التحرير
و وجود بعض المصييفين هناك و لب و محشى
اللجان الشعبية على اكمل وجة
معلومات من الناشط ياسر عبد القوى
قام معتصمو سعد زغلول بفتح طريق البحر و فض اعتصام اهالى الشهداء من امام القائد ابراهيم
حالا : تم ضم الاعتصامين عند سعد زغلول ... ايد واحدة
